Inga Rut

aðventan

2003-11-29T22:09:00.000Z

Jæja þá er aðventan gengin í garð. Heyrði þennan líka fallega klukknahljóm klukkan sex í Hallgrímskirkjuklukkunum (bý í Þingholtunum). Aðventusálmar hljómuðu í klukkunum.
Ég sit nú við og er að lesa aðferðafræðina. Er frekar svartsýn yfir þessu. Mikið lesmál fyrir bæði prófin sem ég tek og kenningar sem ég þarf að læra.
Börnin finna greinilega spennu og eru farin að vaka lengur á kvöldin og vakna á næturnar.
Svo fór leiðsla í sundur í eldhúsinu svo það verður að fá pípara og smið hérna eftir helgi að laga!!! Haldiði að sé tímasetning!
En maður hlítur að komast í gegnum þetta.
Ætli þetta sé ekki síðasta bloggið á þessari önn.
Þakka öllum fyrir samstarfið á önninni. þetta hefur verið mjög skemmtilegur tími þrátt fyrir að misserið hafi verið strembið í heildina.
Hafið það sem best á aðventunni og baráttukveðjur til þeirra sem eru í próflestri!

Media player

2003-11-29T13:10:00.000Z

Skoðaði myndupptökur sem staðnemarnir gerðu, sá reyndar enga mynd en heyrði hljóð. Skoðaði líka forsetaheimsóknina í listgreinahúsinu, heyrði allt en sá enga mynd. Veit ekki hvort þetta á að vera svoleiðis eða hvort græjan mín tekur það ekki?????

gsm blogg

2003-11-28T12:26:00.000Z

prófaði aftur gsm blogg en mér barasta tekst það ekki. Veit ekki hverju ég er að klúðra en ég held ég gefist upp. Er að falla á tíma í lestrinum.

Lokaritgerð

2003-11-28T12:20:00.000Z

Var að skrá mig á námskeið vegna lokaritgerðar á vorönn. Sniðugt að bjóða uppá þetta!
Ég hlakka svo til að klára prófin!
Baráttukveðjur til allra í próflestri

Námskeiðslok

2003-11-27T19:07:00.000Z

Ég var að lesa póstinn frá Salvöru. Já það er sko rétt að það er prófskrekkur kominn í mann. Mikið lesefni sem eftir á að lesa og margar kenningar og kallar og verk þeirra sem þarf að læra utanbókar!
Ég hef ekki verið nægilega dugleg og þolinmóð að prófa þessa tækni. Kíkti á gsm bloggið eða hvað það nú heitir en er ekki nógu "flink" við það.
Ég reyni að prófa eitthvað aftur fyrir 1. des!
Er að fara að hitta hópinn minn í kvöld og setja saman í Mediator verkefnið. Ætli maður lesi svo ekki fram á nótt eins og undanfarin kvöld. Maður týmir ekki að fara frá bókunum þegar ró og næði er.

Sit hér sveitt og les!

2003-11-26T14:13:00.000Z

Sit hérna límd við bækurnar og tölvuna og undirbý mig fyrir prófin. Sú litla sefur og þ.a.l. tímir maður ekki að fara frá! Situr bara og keppist við því maður veit ekki hversu langan tíma maður hefur út af fyrir sig við lærdóminn.
Kíkti á síður nemanna í staðnáminu og það var gaman að sjá hvað er í gangi þar. Skemmtileg verkefni hjá þeim mörgum.

Hópurinn

2003-11-24T23:48:00.000Z

Var að koma heim eftir að hafa hitt "hópinn".
Ótrúlega gott og gaman að hitta þessar góðu konur. Ég veit ekki hvar ég væri ef ég hefði ekki kynnst þeim og við hefðum hópað okkur svona saman.
Gaman að hittast svona og gefandi.

Ný vika

2003-11-24T12:21:00.000Z

Ný vika gengin í garð. Lítið sofið undanfarnar nætur því strákurinn hóstar og hóstar, greyið litla.
Er að klára verkefni fyrir morgundaginn í tónmenntinni en síðasti tíminn er þá. Fer svo á fund v. lokaverkefnisins.
Gat því miður ekki keyrt upp vefsíðuna með kynningunum sem Salvör sagði okkur frá í dag. Vil þakka Salvöru fyrir mjög skemmtilegt bréf og sögu frá Lulea í Svíþjóð!
Mjög gaman að fá þetta bréf.
Þarf að vera dugleg meðan Birna litla sefur og lesa - af nógu að taka þessa dagana og best að halda sér við efnið.

Þessum kafla lokið

2003-11-21T08:53:00.000Z

Æfingakennslunni lauk í gær. Krakkarnir föðmuðu mig og gáfu mér bestu einkunn sem hægt er að hugsa sér með því að spyrja af hverju ég geti ekki kennt áfram hjá þeim!!!
Ég var því alsæl og glöð þegar ég gekk út í gær.
Nú er það próflestur - eins gott að standa sig í því!

Enn um æfingakennslu

2003-11-18T18:01:00.000Z

Gekk ofsalega vel í dag. Fannst mjög gaman og naut mín (það er eitthvað sem ég hefði aldrei trúað að ég ætti eftir að segja!)
2 dagar eftir að þessu sinni.
Hlakka til að hitta hópinn sem er að gera verkefni í þekkingarsamfélaginu í kvöld.
Það gefur manni heilmikið að hittast svona og bera saman bækurnar!

Síðasta vikan í æfingakennslunni

2003-11-17T10:21:00.000Z

Ótrúlegt að þessi vika sé runnin upp! Það sem mér fannst langt í þetta þegar æfingakennslan byrjaði!
Ég er að undirbúa kennsluna en ég lét 5. bekk hlusta á Pétur og úlfinn í síðustu viku og gera hlustunarverkefni í kjölfarið (ég er sko að kenna tónmennt!). Í þessari viku ætla ég að fara aðeins betur í hljóðfærin sem eru í sögunni og fann mjög skemmtilegan vef á netinu sem er gagnlegur.
7. bekk ætla ég að kenna lag frá Ghana sem er mjög hresst og skemmtilegt, læt þau nota trommur og hristur og fleiri hljóðfæri.
Hlakka til að takast á við vikuna.

Góða nótt

2003-11-16T22:22:00.000Z

Á að vera löngu farin í háttinn. Sú litla er að fá augntennurnar og einhver sagði að það væri verst þegar þær væru að koma upp.
En allavega hún vakti mikið s.l. nótt og leið illa. Mikið að gera í dag og hef því miður ekki komist í tölvuna.
Fór á Web-ct í kvöld að skoða póst frá hópnum sem ég er að gera verkefni með og í staðinn fyrir að setja reply skrifaði ég öllum í námskeiðinu og finnst ég nú eins og algjört "idiot"!!!!! Það er stundum eins með þetta eins og að tala inn á símsvara sem maður veit ekki hverjir muni hlusta á finnst mér.
Svo nú ætla ég að fara beina leið í háttinn og reyna að fela hausinn undir sæng og gleyma þessari vitleysu!!!!!
Góða nótt

Laugardagur

2003-11-15T14:09:00.000Z

Sit hér við tölvuna á laugardagseftirmiðdegi sveitt við tölvuna!!!
Gengur bara ágætlega.
Næsta mál á dagskrá er að undirbúa síðustu æfingakennsluvikuna í Kársnesskóla. Ég hlakka til að takast á við það.
Þetta er búinn að vera ótrúlega skemmtilegur tími og ég er fegin að ég ákvað að taka allar 5 vikurnar núna í stað þess að skitpta þeim í 2 og taka 2 vikur eftir áramót eins og til stóð fyrst í haust.
Nú er veturinn að verða hálfnaður og styttist í útskrift! Ég hlakka mikið til þess, það er gulrótin í öllum þessum lestri þessa dagana.
Best að halda sér við efnið og hætta öllu blaðri

Næst síðasta vikan

2003-11-13T22:47:00.000Z

Þá er þessi næst síðasta vika í vettvangsnáminu liðin. Þ.e.a.s. er ekki að kenna á föstudögum.
Sofnaði þegar ég var að svæfa í kvöld svo maður er hálf "vankaður" þegar maður vaknar uppúr því roti.
Er svo búin að vera að læra síðan. Setti verkefnið um skólaheimsóknina á vefinn í kvöld.
ætla svo bara að koma mér í háttinn núna, augun farin að fara í kross!!!
þar til næst.....

Sunnudagur

2003-11-09T16:59:00.000Z

Fór í sunnudagaskóla í Hallgrímskirkjuí morgun með krakkana. Þau voru alsæl og glöð með það.
Fengum okkur svo í svanginn þegar heim var komið og sú litla lagði sig en Kristinn Örn fór að kubba með "litlu" kubbana ( en það gerir hann bara þegar hún er ekki nálægt) og ég notaði tækifærið og las fyrir Námskrárfræði og námsmat námskeiðið. Nóg að gera þessa helgina.
Er hálf "andlaus" núna. Þau eru farin út til að gefa mér frið en svo er maðurinn minn að vinna í kvöld.
Best að halda sér við efnið........

Drukkna

2003-11-08T01:16:00.000Z

Finnst ég vera að drukkna úr verkefnum og lærdómi. Allt of mikið að gera, get þó sjálfri mér um kennt þar sem ég er í 19 einingum þetta misserið. En ég ÆTLA að klára þetta í vor.
Þrátt fyrir þetta þá fórum við hjónin í bíó í kvöld. Bryndís frænka passaði en við náðum að svæfa áður en við fórum þar sem maðurinn minn var ekki kominn heim úr vinnuni fyrr en uppúr 9 í kvöld.
Sáum Calender Girls sem er alveg hreint frábær mynd og mæli ég eindreigið með henni. Gátum gleymt okkur og hlegið.
Alveg nauðsynlegt af og til. Gott að komast aðeins út af heimilinu annað slagið og gera "ekki neitt".
Stefnt er að því að læra alla helgina enda bíða verkefnin.

Snjóar

2003-11-04T11:14:00.000Z

Vá það er barasta byrjað að snjóa!!! Ekki langar mann nú út í þetta veður, verð ég að segja.
Litla stúlkan sefur svo nú á að nota tímann vel og lesa og læra. Er að hugsa hvaða verkefni ég eigi að leggja fyrir krakkana í tónmennt á fimmtudaginn, langar svo að láta þau gera einhv.konar hlustunarverkefni en er gjörsamlega andlaus þessa stundina - veit ekki hvort það er veðrið sem hefur þessi áhrif á mann!!!!!

Verkefnaskil

2003-11-03T20:02:00.000Z

Er að vinna í verkefnunum sem ég á að vera búin að skila. Er búin að eiga í smá stríði við tæknina, verð bara hreinlega að viðurkenna það en er að vinna í málinu.
Vona að það komi ekki að of mikilli sök

Jólin

2003-11-03T16:06:00.000Z

Allt í einu finnst mér svo ofsalega stutt til jóla. Veit ekki hvort það er af því að ég hef ekki verið á landinu síðastliðin 2 jól eða af því að maður er í skóla og það styttist óðum í jólapróf.
Ég hlakka til og er farin að skoða jólaföt á börnin á netinu en afinn og amman eru í London svo þau kíkja etv í Gap eða Gymboree sem mér finnst ekki leiðinlegt að heimsækja þegar ég hef verið í USA eða UK.
Er ein heima og ætla að slökkva á tölvunni og kíkja í námskrárfræði og námsmats kennslubókina.
þar til næst..............

tíminn líður

2003-11-01T12:46:00.000Z

Tíminn líður allt of hratt þessa dagana.
Staðbundna lotan liðin í KHI og var gaman að kíkja aðeins í skólann. Vetrarfrí í skólanum svo það var heppilegt að það skyldi hitta á sama tíma og staðbundnalotan.
Búin að fara í íþróttaskólann í dag, eldra barnið úti á róló með frænku sinni og yngra barnið sefur svo nú á að nota tímann vel meðan ró og næði er.
Frænka mannsins míns er svo að koma klukkan 14 í dag og ætlar að taka viðtal við mig fyrir eitthvað námskeið í HI en hún byrjaði þar í haust.
Enn styttist í próf og nokkur verkefni eftir en það er jú bara gaman!
Þangað til næst....

Gestir

2003-10-24T22:23:00.000Z

Var með gesti í kvöld. Mjög skemmtilegt kvöld, eldaði skötusel og var með ávexti á makkarónum bleyttum í baileys í desert. Þetta tókst vel.
Íþróttaskóli hjá eldra barninu 10 í fyrramálið og svo fer ég í Kópavoginn að hlusta á einn af kórum skólans sem ég er í æfingakennslu, syngja fyrir eldri borgara í Kópavogi.
Svo þarf maður víst að vera duglegur að lesa og læra um helgina því mér finnst ansi stutt til prófa!
þar til næst....

Fimmtudagskvöld

2003-10-23T20:33:00.000Z

Maður er hálf lúinn eftir daginn. Þetta eru náttúrlega viðbrigði að vera í skólanum og fyljgast með því en mikið ofsalega hefur vikan verið fljót að líða og ánægjuleg.
Enginn skóli á morgun en einn kennaranna lést í s.l. viku og verður jarðaður á morgun.
Mér finnst þetta hafa gengið mjög vel og er bara nokkuð ánægð með mig.
Ekki hef ég náð að lesa mikið og læra í þessari viku en hefur tíminn farið í að undirbúa sig fyrir kennsluna.
Þar til næst.....

Æfingakennsla

2003-10-21T21:08:00.000Z

Nú er æfingakennslan hafin. Ég er alveg ofsalega glöð og ánægð hvernig gengið hefur. Viðtökukennarinn minn er stórkostleg kona sem er nú þegar búin að kenna mér heilan helling.
Krakkarnir frábærir og m.a.s. tók einn bekkurinn í höndina á mér eftir eina kennslustundina.
Ég sem kveið þessu svo mikið og nú hlakka ég bara til að fara á morgun.
Litla dóttir mín sá mig ekki - passaði virkilega að líta alls ekki í augun á mér, þegar ég kom heim í dag. Ég átti svo sannarlega að finna fyrir því að hafa verið í burtu frá henni!
Ætla að fara að undirbúa morgundaginn.

Annasamur dagur

2003-10-18T22:24:00.000Z

Klukkan farin að ganga ellefu og annasamur dagur að verða liðinn. Mikið búið að læra í dag og lesa og fara í skólaheimsókn í tengslum við æfingakennsluna. Það var mjög gaman að koma í skólann og það er greinilega öflugt starf þar í gangi.
Skólakórinn var að syngja fyrir eldriborgara í hverfinu og var það alveg frábært og gaman að upplifa.
Ég er bara farin að hlakka til að fara í æfingakennsluna. Maður trúir því varla að það sé komið að því, tíminn svo fljótur að líða. Áður en maður veit af verða komin jól.
Ég trúði því ekki þegar ég labbaði inn í Ikea áðan að það var komið jólaskraut þar og bara rétt miður október - er þetta ekki full snemmt?

Flensustand

2003-10-14T21:56:00.000Z

Vöknuðum upp í nótt og Birna litla þá komin með 40 stiga hita. Er búin að vera á handleggnum á mömmu sinni í allan dag og voðalega vansæl eitthvað. Nú sefur hún vært og foreldrarnir ansi lúnir svo best er að koma sér í háttinn. Maður gerir ekki mikið af viti í svona ástandi.

Kuldi

2003-10-09T16:47:00.000Z

vá hvað það er kallt úti! Var greinilega ekki alveg tilbúin í svona rok og kulda. Er búin að vera svolítið á ferðinni í dag að stússast í sambandi við skólann og heimilið.
Nú þarf greinilega að taka upp hanska, húfur og trefla!

Verkefnavinna

2003-10-08T21:21:00.000Z

Brjálað að gera þessa dagana í verkefnavinnu í aðferðafræðinni og námskrágerð og námsmati. Eins á að skila verkefni á þriðjudaginn í Tónmennt I sem ég er líka í þar sem ég er að fara að kenna tónmennt í vettvangsnáminu núna eftir tæpar 2 vikur. Nokkur fiðrildi farin að gera vart við sig í maganum en þetta verður án efa gaman.

By the way

2003-10-06T11:45:00.000Z

Svona til að bæta við þá var ég að versla 2 bækur á amazon.com sem heita teaching with love and logic og parentiing with love and logic. Var búin að fá ábendingar um þessar bækur að þær væru virkilega spennandi og nú bíð ég spennt.

Aðstæður til lærdóms

2003-10-06T11:40:00.000Z

Sit hér bograndi yfir tölvunni í stofunni minni, nú held ég að ég láti verða af því að koma mér upp aðstöðu. Það hefur mikið að segja að líða vel þegar maður situr við tölvuna eða les bækurnar. Ætlaði að þrjóskast við og hafa fartölvuna bara þar sem mér hentar á hverjum tíma en það er nú bara ekki svo. Lang best að koma sér upp aðstöðu þó húsrúm leyfi það nánast ekki.
En í dag skal látið verða af þessu svo maður læri helmingi betur við betri aðstæður.

verkefni í höfn

2003-10-05T23:00:00.000Z

Aðferðafræði verkefnið í höfn. Þvílíkur léttir. 2 verkefni eftir fyrir vikulokin. Powerpoint verkefnið gengur líka ágætlega. Komið vel á veg. Er byrjuð á frontpage en hef ekki hugmynd um hvernig ég á að koma honum út á vefinn.

Ótrúlegt að það skuli vera kominn október, hvað tíminn líður hratt. Bráðum 3 mánuðir síðan ég kom heim frá Bretlandi og aldeilis búin að gera margt síðan þá.
Nú er best að koma sér í háttinn og búa sig undir nýja viku.

Laugardagskvöld í ró og næði

2003-10-04T21:37:00.000Z

Ein heima með börnin en þau eru sofandi og það er svo mikil kyrrð og ró yfir öllu. Er tengd heima og prentarinn kominn í lag svo allt er þetta að komast á rétt ról.
Komin ágætlega á leið með verkefnið í aðferðafræði en það er jú aldeilis nóg að gera í því fagi.
Best að halda áfram við það.

Er hérna

2003-10-03T10:43:00.000Z

Bara að láta vita að ég er hérna. Er stödd í vinnuni hans Sigga til að kíkja á tölvuna en mín fína nýja tölva er komin í viðgerð og ég fæ hana væntanlega í dag. Þá get ég vonandi tengst netinu og komið mér almennilega í gang.
Ætla að koma mér af stað og gera aðferðafræðiverkefnið sem hvílir svolítið á mér þessa dagana.
Þar til næst og góða helgi.....

Tæknisaga

2003-10-02T10:46:00.000Z

Vá hvað vikan hefur liðið hratt! Ég þurfti að fara í aðgerð í vikunni og því hafa hlutirnir setið á hakanum. Hef bara sinnt því allra, allra nauðsynlegasta. Er að koma til.
Ég er nýflutt eins og áður hefur komið fram. áður en við fluttum sóttum við um að fá tengdan síma og það tók nú aldeilis tíma að fá það gert. Svo bíðum við og bíðum og erum búin að reka á eftir adsl tengingu, erum búin að ganga frá samning og greiða fyrir þjónustuna en aldrei koma aðilarnir og tengja þetta fyrir okkur. Því erum við enn ótengd og ég fer yfir til foreldra minna til að skoða tölvupóstinn og kíkja á Webctið mitt.
Er með fartölvu pc, en maðurinn minn er með ibook. Við höfum verið með internetið síðan 1986. Ég var aupair í Kanada 1995 í eitt ár og þar var internetið og mikið óskaplega var það gott að geta verið í nánum samskiptum við fjölskyldu og vini.
Ég nota emailið mikið núna þar sem við höfum búið erlendis og eigum vini og fjölskyldu víða. Það styrkir tengslin að geta verið í slíkum samskiptum.
Þegar eldra barnið mitt fæddist eignaðist ég gsm síma. Ég notaði hann ósköp takmarkað til að byrja með og fannst nokkuð gott að vera án gsm í Ameríku þegar við bjuggum þar 2001 til 2002. En svo fluttum við til London, UK og þar fannst mér óþægilegt að vera án hans svo fljótlega fékk ég mér tæki og maðurinn minn líka en það veitti okkur öryggi að vera með hann, sérstaklega ef börnin voru í pössun.
Við erum nýbúin að fá okkur digital myndavél og erum að fikta ennþá til að læra á hana. Kunnum varla að senda myndir með tölvupóstinum en það kemur -örugglega fljótt þegar maður hefur fiktað meira.
Ég hef pantað bækur á amazon.co.uk og eins er skemmtileg síða sem heitir onestepahead.com eins pantaði ég í Ameríkunni óléttuföt á gap.com og oldnavy.comen þessar verslanir selja óléttuföt aðeins á vefnum. Þetta var mjög þægilegt. Eins var þægilegt að panta gjafir á netinu og senda milli fylkja.
Segi þetta gott í bili.

Sunnudagskvöld með fjölskyldunni

2003-09-28T19:32:00.000Z

Matarboð hjá foreldrunum, veislumatur og maður orðinn allt of saddur. Krakkarnir þreyttir eftir góða helgi. Fórum í Skálholt og settum niður víði og birkiplöntur með familíunni. Voða gaman. Heitt kakó og lummur á eftir í boði afa og ömmu.
Á leið heim núna í háttinn, þar til næst.....

tölvumál

2003-09-25T12:08:00.000Z

Er heima hjá foreldrum mínum því ég er ekki enn tengd heima en það stendur allt til bóta í vikunni.
Nóg að gera í náminu undanfarið og gengur bara nokkuð vel.
Styttist í æfingakennslu og ótrúlegt en satt er ég bara farin að hlakka til.
þar til næst.....

Grasekkja

2003-09-19T16:46:00.000Z

Föstudagur - starfsdagur í leikskólanum svo við vorum heima í dag. Maðurinn minn í London, fór í gær og kemur á mánudagskvöldið. Við loksins flutt, mikill léttir eftir allan þennan tíma.
Hefur verið erfiður tími fyrir 4ra ára strák að takast á við breytingarnar.
Nú verður maður að bretta upp ermarnar og kafa ofan í námsefnið sem aldrei fyrr.
Er ekki en nettengd heima en vonandi kemst það fljótt í lag.
þar til næst....

Power point verkefni

2003-09-14T20:35:00.000Z

Sunnudagskvöld enn á ný. Ég ekki en flutt, þetta ætlar að taka sinn tíma! Vonandi á morgun. Er búin að skila 2 verkefnum um helgina og er orðin ansi andlaus núna. Því er ég ekki alveg viss um hvað ég eigi að gera glæruverkefni, ég er helst á því að ég muni gera verkefni um bólusetningar. Tilganginnn, hvað sé gert og hvers vegna. Á hvaða aldri börn séu bólusett og hvers vegna. Sjáum til hvað verður svo úr þessu hjá mér.
þangað til næst.....

Vefrallý

2003-09-12T21:16:00.000Z

Hér er vefrallýið mitt um íslenska fánann.

Þetta er fyrir 7. bekk

Verkefni um íslenska fánann:
Svör við þessum spurningum er að finna á heimasíðu forsætisráðuneytisins sem er
www.forsaetisraduneyti.is.
Vefrallý

Hvað tákna litirnir í íslenska fánanum

Hver hannaði fánann?

Hverjir voru í fánanefnd 1913?

Hvenær skal draga íslenska fánann á stöng

Hvaða tíma dags má flagga?

Hvenær skal fáni dreginn í hálfa stöng?

Hverjar eru helstu reglur varðandi notkun á fánanum?

Hvað er átt við með burðarfána?

Hvaða skáld ritaði grein í blaðið Dagskrá þar sem hann lýsir skoðun sinni á útliti fánans?

Hvaða þjóðfána líktist bláhvíti fáninn?

Vikulok

2003-09-12T21:08:00.000Z

Þá er þessi vika liðin. Hún hefur verið ansi annasöm hjá okkur fjölskyldunni. Við höfum þrifið og þrifið og flutt og flutt og í gær kom dótið okkar frá London. Sjálf erum við ekki enn flutt en við viljum vera búin að koma okkur sæmilega fyrir áður en við sofum fyrstu nóttina. Vonandi tekst það á sunnudaginn.
Ég þarf að skila 2 verkefnum á mánudaginn svo ég þarf líka að vera dugleg að vinna við þau um helgina, auk þess er mér boðið á frumsýningu á Dýrunum í Hálsaskógien við mæðginin ætlum að skella okkur á sýningu á morgun, laugardag. Við erum ofsalega spennt.
Litlu börnin mín hafa átt erfiða viku, finna örugglega alla spennuna sem fylgir flutningunum og breytingunum sem eru í gangi hjá okkur.
Þetta er þó allt til bóta.

Front page

2003-09-08T23:28:00.000Z

Er búin að eyða kvöldinu í að föndra front page, ofsalega skemmtilegt og getur maður alveg gleymt sér í því.
Maðurinn minn ekki enn kominn heim en hann er búinn að vera frá klukkan 2 í dag að ganga frá í íbúðinni og þrýfa en á morgun stefnum við á að byrja að flytja. Það þurfti að þrýfa hana hátt og lágt og svo máluðum við en allt þetta tók miklu lengri tíma en við ráðgerðum.
Krakkarnir sofa og ég ætti að vera farin í háttinn líka. Tími í fyrramálið í tónmennt - ekki verra að vera vel upplagður ef maður skyldi vera látinn syngja og tralla eins og síðast!

Vefrallý

2003-09-05T12:09:00.000Z

Er að hugsa mikið um þetta vefrallý og hvað ég eigi að gera. Er að hugsa um verkefni um íslenska fánann. Fór á heimasíðu Forsætisráðuneytisins og fann þar ýmsar upplýsingar um íslenska fánann. Svo skoðaði ég heimasíðu hjá fyrrverandi nemanda í KHI sem reynist vera bekkjarsystir mín þaðan en heimasíðan hennar er ansi skemmtileg. Þar er m.a. að finna verkefni sem hún hefur gert um fánann okkar.
Mikið að gera og þarf að fara að vinna.

Tónmennt

2003-09-02T14:04:00.000Z

Var að koma úr Skipholtinu þar sem ég sat tíma í tónmennt ásamt þremur öðrum. Þetta var mjög skemmtilegur tími sem Kristín Valsdóttir kenndi ásamt Helgu Rut Guðmundsdóttur. Við sungum og spiluðum og skemmtum okkur mjög.
Ég mun taka þetta námskeið sem eru 2 einingar ásamt hinum 17 sem ég er skráð í svo það lítur út fyrir að verða nóg að gera hjá mér til jóla.
Svo á að klára að mála íbúðina í vikunni og vonandi tekst okkur að flytja inn um næstu helgi. Það er voða spennandi!!! Ég hlakka til að "settlast".
Ætla að koma mér fyrir og lesa kafla í námskrárfræðinni og undirbúa næsta verkefni.

Fyrsta verkefnið

2003-08-28T21:20:00.000Z

Vel gengur með fyrsta verkefnið, langt á veg komið enda á að skila því á morgun. Mér finnst allt vera að smella saman núna í sambandi við námið en þetta er heilmikið að komast inní.
Ætla að verðlauna soninn fyrir dugnað hans þessa vikuna með því að bjóða honum með mér á söngleikinn Grease í Borgarleikhúsinu á laugardaginn. Móðurbróðir hans leikur eitt aðalhlutverkið þar. Litli kallin dýrkar frænda sinn svo það er mikil upplifun að fá að sjá hann á stóra sviðinu.

Mið vika

2003-08-27T11:42:00.000Z

Fallegur dagurinn í dag. Drengurinn aðlagast vel í leiskólanum, stúlkan sefur úti og ég veit varla hvað ég á af mér að gera.
Er komin með bækurnar mér við hlið og ætla að lesa fyrir skólann meðan friður gefst.
Einhverjar bækur eru uppseldar í bóksölunni svo ég tók mig til og pantaði á netinu - mjög sniðugt að fara á amazon.co.uk (eða com). Þarna gat ég pantað námsbækurnar og meira til.
Ætla að nota tækifærið meðan sú litla sefur og sökkva mér í lesturinn.
þangað til næst....

Námið hafið

2003-08-25T21:26:00.000Z

Ný vika hafin. Tók daginn snemma, dóttir mín vakti mig klukkan 6 en sofnaði reyndar aftur en þá var mamman vel vöknuð. Eldra barnið vaknaði klukkan 7 tilbúinn að mæta í nýja leikskólann sinn. Hann átti að mæta hálf tíu svo biðin var honum svolítið löng. Allt gekk þetta vel. Við fórum ásamt litlu systur og leist bara vel á skólann, Barónsborg. Hann var alsæll þó hann væri svolítið "nervus".
Á að mæta klukkan 9 í fyrramálið og vera skilinn eftir í smá stund.
Ég er að reyna að átta mig á Web ct en það er frekar flókið í stóru fagi. Á að skila verkefni á föstudaginn og finnst ég fremur týnd í þessu. En þetta hlýtur að koma alltsaman.
Ætla að koma mér í háttinn orðin þreytt eftir langan dag.

Staðbundna lotan liðin

2003-08-19T21:32:00.000Z

Nú er þessum kafla lokið, staðbundna lotan búin að þessu sinni. Það leggst bara vel í mig að hefja námið að nýju og hlakka til að klára. Þetta hefur verið skemmtilegt og gaman að kynnast góðu fólki.
Pantaði bækur á Amazon þar sem þær voru uppseldar í bóksölunni, hef aldrei pantað áður svo etv var kominn tími til að prófa það.
Nú er best að fara að sofa, maður er hálf lúinn eftir langan dag.

Dagur að kveldi kominn

2003-08-18T21:41:00.000Z

Er komin heim, börnin sofnuð og ég ákvað að setjast við tölvuna og athuga hvort ég myndi þetta nú rétt alltsaman.
Síðasti dagur staðbundnu lotunnar á morgun og leggst þetta bara ansi vel í mig alltsaman. Það verður nóg að gera í vetur, sérstaklega til áramóta en stutt eftir og að það skuli standa "brautskráning" í dagbókinni og það eigi við mann sjálfan mun halda manni á réttu róli er ég viss um.
Læt þetta duga að sinni.

Frétt dagsins

2003-08-18T15:54:00.000Z

Í dag sést víða á fréttavefum frétt um hrefnuveiðar Íslendinga. Á BBC í Bretlandi má sjá grein um þetta mál í henni er meðal annars fjallað um hvalaskoðunarferðirnar okkar en þeir sem reka slík fyrirtæki hafa áhyggjur af afleiðingum veiðanna á fyrirtækin.
Náttúruverndar samtök eins og Greenpeace hafa mótmælt þessum veiðum okkar.